Tysdag denne veka inviterte kombiklassen ved Bømlo vgs elevar frå innføringsklassen på Bremnes ungdomsskule for å feira morsmålsdagen. Den internasjonale morsmålsdagen vert markert årleg den 21. februar over heile verda. Målet er å fremja språkleg og kulturelt mangfald.
Kombiklassen serverte vaflar og arrangerte ulike aktivitetar. Mellom anna vart det arbeidd med å omsetja Bømlo kommune sitt slagord til fleire språk («Driftige folk i vakker natur»). Vidare fekk ein læra om verdien av å kunna fleire språk. Alt i alt eit flott høve til å gjera dei språklege ressursane i lokalmiljøet synlege.
Nedanfor ser du bilete frå arrangementet.
Ismail og Ahmad (under) går i kombinasjonsklassen på Bømlo vgs.
Rektor snakka om verdien av å kunna fleire språk.
I høve arrangementet var det fint pynta, som her med dekorative plakatar.
