Heile skulen samla seg i Fuglaberget på Leite for å ønska kvarandre god sommarferie!
Ein av dei som hadde lyst til å ønska dei andre elevane god sommar og samtidig takka for fine år på Bømlo vgs, var Haval Hussein Mashaan.
Løp for livet har òg dette skuleåret stått på for å samla inn pengar til kreftsaka. Takk til alle som har bidratt!
Elevane som har vore i Malaga og Berlin no i vår, viste fram film med litt av det dei fekk vera med på.
Før fellesarrangementet begynte i Fuglaberget kl 9, hadde kvar klasse sitt eige opplegg i klasseromma. Her blei dei utfordra til å skriva eit sommardikt, eller ein sommarsong. Dette blei framført for resten av skulen etterpå.
Let's Twist again!
Elevrådsstyret fortalde om kva dei har jobba med i løpet av skuleåret.
Etter at rektor Tor Inge Kalstad hadde ønska elevane god sommarferie, var det klart for is!
God sommar!