Breiddeidrett fekk ein flott fjelltur då dei overnatta på Olalihytta i Etne- og Saudafjella.
Elevane på studiespesialisering som tar breiddeidrett, har vore to dagar på fjelltur saman med lærarane Marta Innvær og Inga Sortland Svanheld.
Turen gjekk frå Opheim parkering og opp til Olalihytta der dei overnatta.
Elevane gjekk så ein fin tur opp på Steinsfjellet, før dei laga middag på hytta.
Det var fyr i peisen, føredrag om friluftsliv og quiz på kvelden. Dagen etter var det retur. Ein flott tur i nydeleg terreng med blide ungdommar!
